Maskoŭskija deputaty prapanavali nazvać terytoryju kala ambasady ZŠA płoščaj Abaroncaŭ Danbasa. Amierykancy nie suprać
Deputaty Maskoŭskaj haradskoj dumy prapanavali nazvać terytoryju kala ambasady ZŠA ŭ Maskvie «płoščaj Abaroncaŭ Danbasa» i prysvoić ambasadzie taki adras. Ale nie zrazumieli dvuchsensoŭnaści hetaj prapanovy. U adroźnieńnie ad amierykancaŭ.
Deputaty-inicyjatary. Fota: telehram-kanał Mashardumy
Ź inicyjatyvaj nazvać u honar «abaroncaŭ Danbasa» biezymiennuju terytoryju na skryžavańni Vialikaha Dzieviacinskaha zavułka i Kaniuškoŭskaj vulicy vystupili čatyry deputackija abjadnańni ŭ Mashardumie «Adzinaja Rasija», KPRF, «Spraviadlivaja Rasija» i «Maja Maskva». Prapanovu jany nakiravali va ŭrad Maskvy.
Taksama maskoŭskija deputaty paprasili prysvoić aficyjny adras mienavita na «płoščy abaroncaŭ Danbasa» Ambasadzie ZŠA ŭ Rasii.
Amierykanskaja ambasada adreahavała na navinu z humaram:
«Ździŭlenyja, ale nie aburanyja prapanovaj urada RF pierajmienavać častku centra Maskvy kala ambasady ZŠA ŭ «płošču Abaroncaŭ Danbasa» — jak miarkujecca, u honar ukrainskich sałdat, jakija mužna abaraniajuć svaju radzimu ad kramloŭskaj ahresii. Kraina pavinna viedać svaich hierojaŭ».