«Pryznaju dziejańni, ale nie pryznaju artykułaŭ». Na pracesie pa «spravie Aŭtuchoviča» začytali abvinavačvańnie Paŭłu Savu
Jamu inkryminujuć dva artykuły Kryminalnaha kodeksa: č. 2 art. 285 (udzieł u złačynnaj arhanizacyi) i č. 3 art. 289 (akt teraryzmu, ździejśnieny hrupaj asobaŭ).
Zhodna z materyjałami śledstva, razam z Aŭtuchovičam jany płanavali ździajśnieńnie terarystyčnych aktaŭ; zdradzili dziaržavie, akazvajučy dapamohu Ukrainie ŭ praviadzieńni dziejnaści, nakiravanaj na pryčynieńnie škody nacyjanalnaj biaśpiecy Biełarusi; razam z kiraŭnikom hrupy — Aŭtuchovičam — nabyvali va Ukrainie ahniastrelnuju zbroju, bojeprypasy, vybuchovyja rečyvy, vybuchovyja pryłady, piratechničnyja vyraby, vajennuju amunicyju i inšyja pradmiety, jakija mahli być vykarystanyja ŭ terarystyčnaj dziejnaści; niezakonna ich dastaŭlali ŭ Biełaruś; rabili schovy hetaha ŭzbrajeńnia na terytoryi Biełarusi.
Sava prakamientavaŭ abvinavačvańnie na sudzie: «Pryznaju dziejańni, ale nie pryznaju artykuły».