Staršyniu Biełaruskaha niezaležnaha prafsajuza Maksima Paźniakova asudzili na 15 sutak
Paźniakoŭ atrymaŭ sutki za avatarki ŭ Fejsbuku: ściah Ukrainy i fraza «za niezaležnaść», paviedamlajuć telehram-kanał Svabodnaha prafsajuza biełaruskaha.
Paźniakova zatrymali ranicaj 17 maja ŭ Navapołacku la dziciačaha sadka, kudy jon advoziŭ dziaciej.
Zatrymlivali jaho ludzi ŭ cyvilnym, na aŭtamabili biez apaznavalnych znakaŭ.
Nahadajem, što 15 pradstaŭnikoŭ niezaležnych prafsajuzaŭ byli zatrymanyja ŭ siaredzinie krasavika, u ich damach prajšli pieratrusy. Častku adpuścili pa adbyćci 10 sutak.
Za kratami praciahvajuć znachodzicca Alaksandr Jarašuk, Siarhiej Antusievič, Hienadź Fiadynič, Vacłaŭ Areška, Michaił Hromaŭ, Iryna Bud-Husaim, Mirasłaŭ Sabčuk, Janina Małaš, Vital Čyčmaroŭ, Vasil Bieraśnioŭ. Jany pryznanyja pravaabarončaj supolnaściu palitviaźniami.
