NATA: U najbližejšyja tydni dla abodvuch bakoŭ va Ukrainie nie čakajecca značnych pośpiechaŭ na poli boju
Aljans NATA nie čakaje značnych pośpiechaŭ pa abodva baki pola boju va Ukrainie ŭ najbližejšyja tydni, zajaviŭ CNN vajenny čynoŭnik NATA, znajomy z vyviedkaj. «Ja dumaju, što my budziem na niekatory čas u tupiku», — skazaŭ čynoŭnik.
Razburany zavod imia Iljiča ŭ Maryupali. Fota: AP
Sa słoŭ čynoŭnika, ciapierašniaja dyskusija ŭ NATA zaklučajecca ŭ tym, što impuls značna zrušyŭsia na karyść Ukrainy, a debaty ŭ kołach Aljansu ciapier tyčacca taho, ci možna Kijevu viarnuć Krym i terytoryi Danbasa, zachoplenyja Rasiejaj i padtrymanymi joj sieparatystami ŭ 2014 hodzie.
«Ja dumaju, što jany mahli b [viarnuć Krym i Danbas], tak, — skazaŭ čynoŭnik. — Nie ciapier, nie chutka, ale kali jany zmohuć praciahvać baraćbu, ja dumaju, što tak».
Praŭda, jon sumniajecca, ci sapraŭdy jany pavinny zmahacca za toje, kab viarnuć hetyja terytoryi, bieručy pad uvahu patencyjnuju niehatyŭnuju reakcyju miascovaha nasielnictva ŭ niekatorych z hetych rajonaŭ.
