U Sočy zatrymali byłoha palitviaźnia Juryja Kaściuka
15 maja ŭ Sočy zatrymali byłoha palitviaźnia z Bresta, 24-hadovaha Juryja Kaściuka. Jon utrymlivajecca ŭ miascovym IČU. Pavodle infarmacyi pravaabaroncaŭ, u Biełarusi jon abvieščany ŭ vyšuk pa artykule ab sadziejničańni ekstremisckaj dziejnaści. Pavodle źviestak «Viasny», Juryj źbiraŭsia vylecieć z Sočy ŭ Azierbajdžan.
Raniej Juryja abvinavačvali ŭ ździekach ź dziaržaŭnych simvałaŭ pa art. 370 KK za sarvany z haścinicy ściah. 17 listapada 2020 hoda Juryja asudzili na 1 hod «chimii». 23 listapada 2021 hoda adbyŭsia sud pa zamienie prysudu na bolš strohi. U vyniku Kaściuku zamianili «chimiju» na 1 miesiac i 16 dzion kałonii. 6 studzienia palitviazień vyjšaŭ na volu.
Juryj — adzin z zatrymanych KDB 15 lutaha za ŭdzieł u telehram-čacie asudžanych na «chimiju» «Valejboł pa vychadnych». U vyniku jaho asudzili da 15 sutak aryštu za «raspaŭsiudžvańnie ekstremisckich materyjałaŭ».
