U Łatvii zabłakujuć «Odnokłaśśniki» i «VKontaktie»
U suviazi z sankcyjami, pryniatymi Jeŭrapiejskim Sajuzam, na terytoryi Łatvii budzie abmiežavany dostup da rasijskich sacyjalnych sietak «Vkontaktie» (vk.com), «Odnokłaśśniki» (ok.ru) i «Moj Mir» (my.mail.ru). Takoje rašeńnie pryniała Nacyjanalnaja rada pa elektronnych ŚMI, piša rus.lsm.lv.
Pra pryniatuju pastanovu ŭ Twitter paviedamiŭ kiraŭnik Rady Ivar Obalińš. Płatformy zabłakujuć na nastupnym tydni.
Rašeńnie pryniata, pakolki ŭ rasparadžeńni Nacyjanalnaja rada pa elektronnych ŚMI jość infarmacyja: płatformy znachodziacca va ŭłasnaści i pad kantrolem blizkich da Kramla biznesmienaŭ Juryja Kavalčuka i Uładzimira Kiryjenki.
U dačynieńni da hetych asob u ES pryniatyja sankcyi ŭ suviazi z zamacham na terytaryjalnuju cełasnaść, suvierenitet i niezaležnaść Ukrainy.
