U Biełarusi źbirajucca zapuścić anałah servisaŭ Airbnb i Booking.com
U Biełarusi płanujuć zapuścić anałah servisaŭ Booking.com i Airbnb, jakija ŭ krainie bolš nie pracujuć. Nad stvareńniem servisu pracuje kamanda prajekta «BiełKraj», paviedamlaje sajt Office Life sa spasyłkaj na zasnavalnika prajekta Barysa Jakavita.
Fota: belkraj.by
Zapuścić servis na bazie sajta belkraj.by abiacajuć da pačatku lipienia. Dla ŭładalnikaŭ žylla budzie dastupnaja opcyja nałady kalendara zaniataści i cenaŭ, turysty zmohuć šukać, braniravać i apłačvać žyllo anłajn.
«Naš prajekt «BiełKraj» užo dastatkova dobra viadomy ŭ Biełarusi siarod ahrasiadzibaŭ i hidaŭ. U nas dva asnoŭnych napramki — siadziby i ekskursii. Dla apošnich anłajn-braniravańnie ŭžo realizavana, i z hetym servisam my navat vyjšli za miežy krainy kala hoda tamu», — havoryć Barys Jakavita.
Patreba ŭ hetym uźnikła ŭ suviazi z tym, što paśla vajennaha ŭvarvańnia Rasii va Ukrainu papularnyja servisy pošuku i braniravańnia žylla Airbnb i Booking.com pierastali pracavać u Biełarusi.
