U novy skład Mižviedamasnaj rady pa rekłamie nie ŭklučyli pradstaŭnikoŭ biźniesu
U Biełarusi — novy skład Mižviedamasnaj rady pa rekłamie. U joj bolš niama pradstaŭnikoŭ biznesu. Novy skład rady apublikavany na sajcie Ministerstva antymanapolnaha rehulavańnia i handlu. Jon zaćvierdžany pastanovaj Savieta Ministraŭ ad 28 sakavika 2022 hoda, źviarnuŭ uvahu marketing.bu.
Z rady vyklučyli pradstaŭnikoŭ piaci biznes-asacyjacyj, jakija mieli dačynieńnie da rekłamnaj industryi.
Mižviedamasnaja rada pa rekłamie ciapier uklučaje 29 čałaviek — pradstaŭnikoŭ ministerstvaŭ i viedamstvaŭ, takich, jak MARH, Mininfarm, Minkult, Minsportu i turyzmu, abłvykankamaŭ, Minharvykankama, a taksama pradstaŭnikoŭ BDU.
Rada była stvoranaja ŭ 2013 hodzie ŭ metach udaskanaleńnia ŭzajemadziejańnia dziaržaŭnych orhanaŭ i inšych arhanizacyj, vytvorcaŭ rekłamy, rekłamaraspaŭsiudžvalnikaŭ pa pytańniach stvareńnia spryjalnych umoŭ dla ŭstojlivaha raźvićcia rekłamnaha rynku ŭ Biełarusi, abarony hramadstva ad nienaležnaj rekłamy, a taksama dla vypracoŭki rekamiendacyj pa praviadzieńni adzinaj dziaržaŭnaj palityki ŭ vobłaści rekłamy i h.d.
