Bloomberg: U Rasii prahnazujecca najmacniejšy spad ekanomiki z 1994 hoda
Rasijskaje ministerstva finansaŭ čakaje, što VUP krainy pa vynikach 2022 hoda skarocicca na 12%, što stanie najhoršym pakazčykam z 1994-ha.
Pra heta havorycca va ŭnutranym prahnozie Minfina Rasii, ź jakim aznajomiłasia ahienctva Bloomberg. Kali prahnoz spraŭdzicca, zajaviła krynica ahienctva, heta źviadzie na ništo rost rasijskaj ekanomiki prykładna za apošnija dziesiać hadoŭ.
Centrabank čakaje padzieńnia VUP Rasii pa vynikach 2022 hoda na 8-10%. Minekanomiki prahnazuje padzieńnie VUP na 8,8% u bazavym varyjancie i na 12,4% pry kansiervatyŭnym scenaryi. Suśvietny bank ličyć, što ekanomika Rasii ŭpadzie ŭ 2022 hodzie na 11%.
Pa prahnozach analitykaŭ kampanii S&P Global Market Intelligence, ekanomicy Rasii spatrebicca 10 hadoŭ, kab adnavicca da ŭzroŭniu 2021 hoda na fonie sankcyj, uviedzienych z-za ŭvarvańnia va Ukrainu.
Ministerstva finansaŭ Rasii paśla publikacyi Bloomberg abvierhła najaŭnaść takoha prahnozu.
