Dziaŭčaty z bčb-parasonami vyjšli na antyvajenny špacyr u Vilni
Siońnia na parasonavy bčb-špacyr vyjšli biełaruski Vilni pad antyvajennym łozunham u padtrymku fłešmobu «Dziaŭčaty suprać vajny»
Usie fota: čytačy «Našaj Nivy»
Jaho abviaścili biełaruskija dziaŭčaty Adesy, kali vyjšli na špacyr padčas vajny, a taksama ŭ padtrymku parasonavych špacyraŭ minskich dziaŭčat, jakija vychodzili ŭ vielmi niebiaśpiečnych umovach.
«My salidarnyja ź biełaruskim dy ŭkrainskim zmahańniem suprać ciemry, što navisła nad našymi krainami i žadajem padtrymać dobrych niazłomnych ludziej, jakija zaraz znachodziacca ŭ Biełarusi pad pryhniotam dyktatury i cierpiać va Ukrainie ad teroru rasijskich akupantaŭ albo chavajucca ad bombaŭ dy rakiet. Nielha zdavacca! Śviatło pieramoža ciemru!» ‒ śćviardžajuć dziaŭčaty.
Lehiendarnyja špacyry dziaŭčat z bčb-parasonami raspačalisia pry kancy žniŭnia 2020 hodu ŭ Miensku i byli adnoj z formaŭ pratestu suprać biezzakońnia dy hvałtu.
Dziaŭčaty svaimi pryhožymi vychadami na vulicy natchniali biełarusaŭ na zmahańnie i demanstravali niazłomnaść ducha navat u časy, kali machavik represijaŭ užo pracavaŭ napoŭnicu.
