Stała viadoma, ź jakimi minimalnymi bałami možna sioleta pastupać u VNU
Stali viadomyja minimalnyja parohavyja bały, ź jakimi abituryjenty-2022 zmohuć pastupać u VNU sioleta, piša «Zierkało». Tak, kali čałaviek nie płanuje być fiłołaham, ruskuju ci biełaruskuju jamu dastatkova zdać usiaho na 10 bałaŭ.
U hetym hodzie VNU krainy płanujuć pryniać kala 53 tysiač abituryjentaŭ. Ź ich krychu bolš za 27,5 tysiačy — na biudžet. Heta prykładna stolki ž, jak i ŭ 2021-m.
Nie źmianilisia i minimalnyja parohavyja bały, ź jakimi ŭ chłopcaŭ i dziaŭčat buduć prymać dakumienty ŭ VNU i kaledžy. Vyhladajuć jany tak:
- ad 10 bałaŭ pa ruskaj ci biełaruskaj movach (dla budučych fiłołahaŭ — ad 25);
- ad 20 bałaŭ pa matematycy, fizicy, chimii i bijałohii;
- ad 25 bałaŭ pa historyi, hramadaznaŭstvie, hieahrafii, zamiežnych movach;
- ad 10 bałaŭ pa matematycy, fizicy, chimii, bijałohii, kali heta druhi profilny pradmiet;
- ad 15 bałaŭ pa historyi, hramadaznaŭstvie, hieahrafii, zamiežnych movach, kali heta druhi profilny pradmiet.
Akramia taho, pa niekatorych śpiecyjalnaściach u šerah VNU abituryjenty zmohuć padavać siertyfikaty, navat kali nabrali ad 7 bałaŭ. Dakumienty z takimi vynikami prymuć kamisii Vajennaj akademii, Univiersiteta MNS, Instytuta pahraničnaj słužby, vajennyja fakultety hramadzianskich VNU.
Čytajcie taksama:
Nazvanyja daty CT u hetym hodzie
