Aŭstryja: Ustupleńnie Ukrainy ŭ Jeŭrasajuz niemahčymaje ciaham bližejšych dziesiaci hadoŭ
Aŭstryjskaja ministarka pa spravach ES i kanstytucyjnych pytańniach Karalin Edtštadler zajaviła, što ŭstupleńnie Ukrainy ŭ ES nie moža być dasiahnuta «ŭ najbližejšyja piać-dziesiać hadoŭ». Pra heta piša «Jeŭrapiejskaja praŭda».
Karalin Edtštadler. Fota: ejpress.org
Niadaŭna ministr zamiežnych spraŭ Aŭstryi Alaksandr Šalenbierh prapanavaŭ Ukrainie razhledzieć inšyja sposaby nablizicca da ES, akramia siabroŭstva.
Edtštadler prakamientavała situacyju, zajaviŭšy, što poŭny praces dałučeńnia Ukrainy budzie «doŭhim pracesam adaptacyi, jaki, biezumoŭna, nie moža być dasiahnuty ŭ najbližejšyja piać-dziesiać hadoŭ», pakolki «niekatoryja dziaržavy na Zachodnich Bałkanach čakali dziesiacihodździ dla nastupnaha kroku».
Jana dadała, što dla Ukrainy nie moža być paskoranaj pracedury.
«Ministr zamiežnych spraŭ taksama chacieŭ skazać hetym, što, mahčyma, taksama pryjdziecca prajavić tvorčy padychod u tym, jak vy znajomicie Ukrainu z zachodnimi kaštoŭnaściami.
Vidavočna, što Ukraina pačuła admovu ad siabroŭstva ŭ JEZ, a heta nie toje, što miełasia na ŭvazie, i heta nie pazicyja Aŭstryi», — skazała Edtštadler.
Aŭstryja — adna ź niešmatlikich jeŭrapiejskich krain, jakaja admoviłasia pastaŭlać Ukrainie zbroju, zatoje vyrašyła padtrymać krainu humanitarnaj dapamohaj.
Na dadzieny momant kraina pastaviła 10 000 šlemaŭ, broniekamizelek i 100 000 litraŭ paliva, a taksama dała Čyrvonamu Kryžu i inšym NDA dapamohu ŭ pamiery 17,5 młn jeŭra. Aŭstryjski ŭrad taksama ŭnosić 10 miljonaŭ jeŭra ŭ prahramu dapamohi Ukrainie ad Suśvietnaha banka.
