Fransabanka bolš niama
Fransabank aficyjna spyniŭ dziejnaść u Biełarusi. Pra heta paviedamiŭ Nacbank. Alfa-Bank kančatkova pahłynuŭ byłoha kankurenta.
Praŭleńniem Nacyjanalnaha banka Respubliki Biełaruś pryniataja pastanova ad 26 krasavika 2022 h. ab dziaržaŭnaj rehistracyi źmianieńniaŭ i dapaŭnieńniaŭ, jakija ŭnosiacca ŭ statut zakrytaha akcyjaniernaha tavarystva «Alfa-Bank» u suviazi z rearhanizacyjaj šlacham dałučeńnia da jaho adkrytaha akcyjaniernaha tavarystva «Fransabank».
ZAT «Alfa-Bank» źjaŭlajecca pravapierajemnikam usich pravoŭ i abaviazkaŭ Fransabanka.
Onliner nahadvaje, što letam 2021 hoda Alfa-Bank raspačaŭ sproby nabyć Fransabank, ale ździełka nie adbyłasia: baki nie syšlisia ŭ sumie. Adnak praz paŭhoda źjaviłasia aficyjnaja navina: Alfa-Bank nabyŭ 99,98% akcyj Fransabanka za 27 młn rubloŭ, paabiacaŭ klijentam nabytaha banka płaŭny pierachod. Mierkavałasia, što intehracyja zaviaršycca ciaham 2022 hoda, i voś jana adbyłasia.
Alfa-Bank pa vynikach 2021 hoda znachodziŭsia na 7-j pazicyi pa aktyvach na rynku Biełarusi. Fransabank źjaŭlaŭsia daččynym bankam najbujniejšaha livanskaha Fransabank SAL (da pierajmienavańnia nazyvaŭsia «Załaty taler») i zajmaŭ 20-je miesca pa aktyvach na bankaŭskim rynku Biełarusi. Bank absłuhoŭvaŭ klijentaŭ u Minsku, Breście, Hrodnie, Homieli i Lidzie.
