U palicejski aŭtobus u centry Maskvy prylacieŭ «kaktejl Mołatava»
Incydent adbyŭsia ŭ paniadziełak niedaloka ad pomnika Karłu Marksu na płoščy Revalucyi — tam zaŭsiody stajać niekalki palicejskich aŭtobusaŭ. Mužčyna kinuŭ butelku z zapalnaj sumieśsiu i jana padpaliła adzin ź ich. Aŭtobus udałosia patušyć, a kidalnika zatrymali.
Kidalnikam «kaktejla Mołatava» ŭ rashvardziejski aŭtazak akazaŭsia 45-hadovy Vital Kalcoŭ. Jon pryjšoŭ «na spravu» ŭ kaściumie i z čamadanam.
Čamadan, darečy, mužčyna adčyniać admoviŭsia, i palicejskija dumali, što tam ich moža čakać čarhovy siurpryz. Ale akazałasia, što tam lažać tolki karabok zapałak i telefon.
Kalcova zatrymlivali i raniej: u 2017-m za niepadparadkavańnie supracoŭnikam palicyi, a ŭ 2019-m za parušeńnie ŭstanoŭlenaha paradku arhanizacyi albo praviadzieńnia mitynhu.
Materyjały pa spravie ab padpale aŭtobusa pieradali ŭ Śledčy kamitet.