Pientahon: Prasoŭvańnie rasijskich vojskaŭ na Danbasie — minimalnaje
Rasijskija siły na Danbasie na ŭschodzie Ukrainy, dzie adbyvajecca asnoŭnaja častka bajavych dziejańniaŭ, ciarpiać ad drennaha kamandavańnia, nizkaha bajavoha duchu i daloka nie idealnaj łahistyki, zajaviŭ vysokapastaŭleny čynoŭnik Ministerstva abarony ZŠA.
«My pa-raniejšamu nazirajem minimalnaje, i heta miakka kažučy, prasoŭvańnie ruskich na Danbasie», — skazaŭ čynoŭnik. Pavodle jaho słoŭ, rasijskija ŭłady damahlisia niaznačnych pośpiechaŭ na ŭschod ad ukrainskich haradoŭ Izium i Papasnaja, ale prasoŭvańnie było «słabym i nieraŭnamiernym».
Akramia taho, Pientahon zaŭvažyŭ, što rasijskija siły, vidać, bajacca ryzyki i imknucca paźbiahać achviar siarod svaich vojskaŭ jak u pavietranaj, tak i ŭ naziemnaj vajnie, skazaŭ čynoŭnik.
Ukrainskija siły praciahvajuć utrymlivać Charkaŭ ad uvachodžańnia rasijskich siłaŭ. Pa słovach čynoŭnika, horad praciahvaje padviarhacca ŭdaram rasijskaj avijacyi. «Ale za apošnija 24—48 hadzin ukraincy prarabili dobruju pracu, adcisnuŭšy ruskich jašče dalej, prykładna na 40 km na ŭschod ad Charkava», — skazaŭ vajskovy čynoŭnik.
Pa danych Pientahona, z pačatku ŭvarvańnia Rasija vypuściła pa Ukrainie 2125 rakiet.