U Kijeŭ pryjechała śpikier Pałaty pradstaŭnikoŭ Kanhresa ZŠA Nensi Piełosi
Pra pryjezd Piełosi, jaki zahadzia nie anansavaŭsia, paviedamiŭ u svaim telehram-kanale prezident Ukrainy Uładzimir Zialenski. Jon nazvaŭ ZŠA lidaram u padtrymcy Kijeva suprać rasijskaj ahresii i padziakavaŭ za dapamohu ŭ abaronie suvierenitetu i terytaryjalnaj cełasnaści Ukrainy.
Pakul nieviadoma, jakim šlacham Piełosi dabirałasia da Kijeva. Z pačatku vajny tam pabyvali mnohija lidary zachodnich krain, u tym liku tydzień tamu dziaržsakratar i ministr abarony ZŠA. Viadoma, što ŭsie jany jechali na niekalkich vidach transpartu, pryčym na apošnim učastku — ciahnikom z Zachodniaj Ukrainy da Kijeva.
Raniej prezident ZŠA Džo Bajden paprasiŭ Kanhres u samyja karotkija terminy ŭchvalić zakon, jaki dazvalaje vydzielić 33 młrd dalaraŭ na vajskovuju dapamohu Ukrainie, a taksama na ekanamičnuju i humanitarnuju padtrymku krainy.
Nahadajem, što 29 krasavika Nensi Piełosi sustrełasia ŭ Vašynhtonie sa Śviatłanaj Cichanoŭskaj, jakaja prylatała ŭ ZŠA na pachavańnie byłoj dziaržsakratarki krainy Madlen Ołbrajt.