Bloomberg: Naftavaje embarha Jeŭrasajuza suprać Rasii moža zapracavać da kanca hoda
Jeŭrasajuz, jaki na nastupnym tydni anansuje šosty pakiet sankcyj suprać Rasii, płanuje adrezać Śbierbank ad sistemy SWIFT, a prapanavanaje naftavaje embarha pačnie paŭnavartasna pracavać z kanca hoda. Pra heta paviedamlaje Bloomberg sa spasyłkaj na svaje krynicy.
Adznačajecca, što ES płanuje prapanavać zabaronu na impart rasijskaj nafty z kanca hoda, a da taho momantu pastupova buduć uvodzicca abmiežavańni. Raniej paviedamlałasia, što spačatku pad zabaronu moža trapić rasijskaja tankiernaja nafta, a paśla — trubapravodnaja.
Inšyja varyjanty, jakija abmiarkoŭvalisia dla skaračeńnia naftavych dachodaŭ Rasiei, ŭklučali ŭstalavańnie prajs-kepaŭ, heta značyć abmiežavańnie cenaŭ, a taksama śpiecyjalnyja miechanizmy apłaty praz eskroŭ-rachunku i taryfy.
Biełaruś taksama, jak miarkujecca, budzie ŭklučanaja ŭ šosty sankcyjny pakiet za jaje rolu ŭ rasijskim uvarvańni, u chodzie jakoha jana, u pryvatnaści, vystupała jak płacdarm dla rasijskich vojskaŭ.
Siarod inšych prapanoŭ, jakija buduć abmiarkoŭvacca ŭ ramkach novaha pakieta sankcyj — abmiežavańni na kansałtynhavyja i vobłačnyja pasłuhi, a taksama na kuplu nieruchomaści.
Taksama moža być uchvalena bolš indyvidualnych sankcyj, u pryvatnaści na vajskovych čynoŭnikaŭ, aliharchaŭ i ichnych paplečnikaŭ, a taksama adkaznych za vajennyja złačynstvy rasijan va Ukrainie.
Niekatoryja krainy — členy Jeŭrasajuza taksama nastojvajuć na ŭzmacnieńni žorstkaści najaŭnych abmiežavańniaŭ na marski handal i party jak častku pakieta.
Čytajcie taksama:
Zachad usio jašče kuplaje rasijskuju naftu. Čamu jon nie moža ad jaje admovicca?
