Hałoŭčanka: Sankcyi nam spryjajuć, asobnyja pradpryjemstvy pracujuć lepš, čym da ich
Premjer-ministr Raman Hałoŭčanka padčas učarašniaj pracoŭnaj pajezdki ŭ Miory zajaviŭ, što dziaržava praciahnie padtrymlivać pradpryjemstvy, jakija trapili pad sankcyi. Pry hetym, pavodle jaho słoŭ, sankcyi majuć i pazityŭnaje značeńnie — niekatoryja pradpryjemstvy, jakija pad ich trapili, stali pracavać lepš, čym u minułym hodzie.
«Jość fakty, i nie adzinkavyja, kali sankcyjnyja pradpryjemstvy pracujuć lepš, čym u minułym hodzie, za košt bolšaha popytu na svaju pradukcyju», — zajaviŭ Hałoŭčanka.
Ale peŭnyja składanaści, pavodle jaho, jość taksama.
«Naprykład, nam treba poŭnaściu pieraaryjentavać maržynalnuju častku pradukcyi drevaapracoŭki, jakaja išła na Jeŭrapiejski Sajuz. Heta nie tak prosta zrabić. Tym nie mienš, heta vyrašalnaja zadača: jość inšyja rynki, jość kitajski, siarednieazijacki rynak».
Hałoŭčanka zajaviŭ, što faktyčna štodnia maje znosiny z kiraŭnikami pradpryjemstvaŭ, dziaržava vykarystoŭvaje ŭ dačynieńni da ich roznyja miery padtrymki.
«Naprykład, z samych apošnich rašeńniaŭ — dziaržava rasterminavała šerahu pradpryjemstvaŭ terminy vypłaty dyvidendaŭ, jakija jany płaciać sa svajho prybytku. Zamiest taho, kab zapłacić ich adrazu, im raźbili vypłaty da kanca hoda, kab źnizić adnamomantavuju nahruzku i minimizavać kasavyja razryvy», — raskazaŭ kiraŭnik urada.
I dadaŭ, što taksama raspracoŭvajucca dy prapanujucca novyja miery dla padtrymki pradpryjemstvaŭ va ŭmovach sankcyj.
