U Rasii zabłakavali asnoŭnaje «lusterka» biełaruskaha sajta reform.by
Damien reform.news uniesieny ŭ rejestr zabaronienych sajtaŭ pa rašeńni Hienprakuratury Rasii 27-31-2022 / Id4184-22 ad 30 sakavika 2022 hoda. Ciapier pry sprobie zajści na sajt z Rasii karystalnik traplaje na pustuju staronku z papiaredžańniem ab abmiežavańni.
Što mienavita nie spadabałasia Hienprakuratury RF, redakcyi sajta nieviadoma. Nijakich apaviaščeńniaŭ z rasijskaha boku jana nie atrymlivała.
26 sakavika 2022 hoda Raskamnahlad zapatrabavaŭ vydalić videa «rasiejskija vojski razbambili dziciačuju lakarniu i radzilniu ŭ Maryupali» z akaŭnta reform.by na Youtube. Ale redakcyja praihnaravała heta patrabavańnie. Pry hetym kampanija Youtube paviedamiła redakcyi Reform.by ab mahčymym błakavańni kantentu na ich placoŭcy, kali videa nie budzie vydalenaje.
