Hałoŭčanka zahadaŭ prystrunić kamiersantaŭ
Premjer-ministr Biełarusi Raman Hałoŭčanka na naradzie z prezidyumam urada zajaviŭ, što ŭrad pierajšoŭ u mabilizacyjny režym pracy, a taksama vykazaŭsia nakont rezkaha rostu cenaŭ, jaki fiksujecca na niekatoryja pazicyi ŭ krainie.
Hałoŭčanka adznačyŭ, što ciapier važna «maksimalna apieratyŭna adaptavacca da pracy ŭ novych umovach, źmiakčyć udar pa ekanomicy i minimizavać škodu».
Ciapier, pavodle jaho słoŭ, urad pracuje ŭ mabilizacyjnym režymie, dziejničaje apieratyŭna-situacyjny štab, dzie razhladajucca pytańni i prapracoŭvajucca ich rašeńni, jakija potym realizujucca ŭ narmatyŭna-pravavych aktach i daručeńniach.
«Ale dzie-nidzie jak u rehijonach, tak i ŭ orhanach dziaržkiravańnia adčuvajecca rassłablenaść i kiraŭničaja mlavaść: «Raptam samo projdzie». Samo nie projdzie. Kožny z vas na svaim miescy i vašy padnačalenyja struktury pavinny być na samym vastryi. Imhnienna analizavać stanovišča, łavić sihnał i nieadkładna reahavać, samastojna ŭ śfiery svajoj adkaznaści, nie čakać daručeńniaŭ.
Pajšli sihnały, naprykład, ab rezkim roście koštaŭ na niejkija pazicyi: budmateryjały, bytavaja chimija; niedachop niejkich tavaraŭ časova — tut ža treba razabracca, u čym sprava. Albo svajoj uładaj prystrunicie działkoŭ, kamiersantaŭ jak pryvatnych, tak i dziaržaŭnych».
Jon dadaŭ, što na ŭniasieńnie narmatyŭna-pravavych aktaŭ na razhlad, a taksama na ich dalejšuju raspracoŭku dy padpisańnie, ciapier dajecca 48 hadzin. Taki ž čas — i na ŭniasieńnie, kali spatrebicca, na razhlad Łukašenki.
