Minzdaroŭja prosić nie vieryć fejkam i nie prymać jod biez pryznačeńnia doktara
Takuju zajavu zrabiła Ministerstva achovy zdaroŭja na fonie čutak ab pavyšeńni ŭzroŭniu radyjacyi ŭ krainie.
«Pavažanyja budučyja mamy, rekamiendavanaje ŭ šerahu internet-čataŭ naniasieńnie rastvora jodu vonkava ŭ vyhladzie jodnaj sietki na skuru vielmi niebiaśpiečnaje dla vas i dla budučaha dziciaci!» — adznačaje viedamstva ŭ paviedamleńni.
A voś i niebiaśpiečnyja nastupstvy: pry praciahłym užyvańni (biez rekamiendacyi ŭrača) 5% śpirtavoha rastvoru jodu mahčymaje źjaŭleńnie nasmarku, krapiŭnicy, ślinavydzialeńnia, śloz, vysypańniaŭ na skury dy inšaha.
Pry pieradazavańni mahčymyja źjavy jodyzmu (aseptyčnaje zapaleńnie ślizistych abałonak u miescach vydzialeńnia jodu), razdražnieńnie, apioki.
Radyjacyjnaje stanovišča siońnia na ŭsioj terytoryi krainy ŭ normie i nie pieravyšaje fonavych značeńniaŭ (0,1—0,2 mkZv/h). paviedamiła Minzdaroŭja.
