Мінздароўя просіць не верыць фэйкам і не прымаць ёд без прызначэння доктара
Такую заяву зрабіла Міністэрства аховы здароўя на фоне чутак аб павышэнні ўзроўню радыяцыі ў краіне.
«Паважаныя будучыя мамы, рэкамендаванае ў шэрагу інтэрнэт-чатаў нанясенне раствора ёду вонкава ў выглядзе ёднай сеткі на скуру вельмі небяспечнае для вас і для будучага дзіцяці!» — адзначае ведамства ў паведамленні.
А вось і небяспечныя наступствы: пры працяглым ужыванні (без рэкамендацыі ўрача) 5% спіртавога раствору ёду магчымае з'яўленне насмарку, крапіўніцы, слінавыдзялення, слёз, высыпанняў на скуры ды іншага.
Пры перадазаванні магчымыя з'явы ёдызму (асэптычнае запаленне слізістых абалонак у месцах выдзялення ёду), раздражненне, апёкі.
Радыяцыйнае становішча сёння на ўсёй тэрыторыі краіны ў норме і не перавышае фонавых значэнняў (0,1—0,2 мкЗв/г). паведаміла Мінздароўя.
