Biełarusaŭ zatrymlivajuć za niehatyŭnyja kamientary pra napad Rasii na Ukrainu
Pravaabaroncam stała viadoma pra zatrymańnie ŭ Minsku Paŭła Łaryna, a taksama studenta 2 kursa Bresckaha dziaržaŭnaha ŭniviersiteta Mikity Kardaša.
Skryn videa z Paŭłam Łarynym.
Videa ź imi publikujuć praŭładnyja kanały.
U «pakajannym videa» Pavieł Łaryn kaža, što, daviedaŭšysia pra vajennaje ŭvarvańnie rasijskich vojskaŭ va Ukrainu, na emocyjach napisaŭ kamientaryj u telehram-čacie «Malinaŭka», u jakim rezka asudziŭ dziejańni Rasii.
Praź niekalki hadzin za Paŭłam pryjšoŭ HUBAZiK.
Padrabiaznaściaŭ vystaŭlenych jamu abvinavačvańniaŭ pakul niama.
Taksama stała viadoma, što zatrymali studenta 2 kursa Bresckaha dziaržaŭnaha ŭniviersiteta Mikity Kardaša.
U vinu jamu staviać toje, što siarod adnahrupnikaŭ jon skazaŭ: «Kali siudy pryjduć rasijskija vojski i tut pačniecca jakaja-niebudź zavarucha, ja za hetych vyradkaŭ vajavać nie źbirajusia». Dalej išła niecenzurnaja leksika. Taksama chłopiec havaryŭ, što tanki na terytoryju Ukrainy zachodziać z boku Biełarusi.
