Finał Lihi čempijonaŭ mohuć pieranieści ź Pieciarburha z-za situacyi vakoł Ukrainy
Pryčynaj pieranosu moža stać abvastreńnie adnosin pamiž Rasijaj i Ukrainaj paśla pryznańnia DNR i ŁNR.
Fota: Getty Images
Finał Lihi čempijonaŭ UEFA hetaha hoda moža być pieraniesieny z Sankt-Pieciarburha na stadyjon «Uembli» ŭ Łondanie z-za situacyi pamiž Rasijaj i Ukrainaj, paviedamili Mirror i Daily Star.
Adznačajecca, što UEFA ŭvažliva sočyć za situacyjaj, kab raspracavać płan dziejańniaŭ na vypadak fors-mažornych abstavinaŭ.
Matč zapłanavany na 28 maja na «Hazpram Arenie». Adnym z asnoŭnych varyjantaŭ dla pieranosu nazyvajuć stadyjon «Uembli».
U minułym hodzie UEFA ŭžo pieranosiła finał hałoŭnaha jeŭrakubka pamiž «Čełsi» i «Mančester Sici» sa Stambuła ŭ Portu, ale tady pryčyna była ŭ abmiežavańniach na pajezdki brytanskich zaŭziataraŭ u Turcyju z-za karanavirusa.
