Vykładčycy žurfaka BDU Hańnie Kurejčyk prysudzili 15 sutak
Jak stała viadoma «Našaj Nivie», sud Centralnaha rajona Minska vynies rašeńnie ŭ dačynieńni da dacenta kafiedry telebačeńnia i radyjoviaščańnia žurfaka BDU Hanny Kurejčyk. Vykładčycu sudzili pa artykule 24.3 «Niepadparadkavańnie zakonnym patrabavańniam słužbovaj asoby».
Nahadajem, Hannu Kurejčyk zatrymali 18 lutaha. Jana znachodziłasia na balničnym, siłaviki pryjšli da jaje dadomu. Z-za čaho pryjšli da vykładčycy, nieviadoma.
«Dumaju, što zroblena heta było dla jaje zvalnieńnia. Bo kantrakt jašče ŭ jaje byŭ da 2023 hoda», — adznačyŭ kaleha Kurejčyk.
Raniej, u vieraśni 2020 hoda, Hanna Kurejčyk vykazvałasia ŭ sacsietkach pra padziei, jakija adbyvajucca ŭ Biełarusi. Na jaje dumku, u krainie adbyvałasia «metanakiravanaje źniščeńnie prafiesii žurnalista».
