Kazulin u Maskvie

U jakaści sihnału Łukašenku, u Dziaržaŭnaj dumie jaho pryniali akurat na hadavinu ŭvarvańnia rasijskich vojskaŭ u Hruziju.

U dzień hadaviny pačatku vajny ŭ Paŭdniovaj Asiecii ŭ Dziaržaŭnaj dumie adbyłasia sustreča staršyni Kamitetu pa spravach SND Alaksandra Astroŭskaha (z partyi Žyrynoŭskaha) i eks-kandydata na pasadu prezidenta Biełarusi Alaksandra Kazulina. Pra heta ŭ rasijskija ŚMI, blizkija da ŭładaŭ, paviedamiła krynica, jakaja arhanizoŭvała sustreču.

Rasiejcy nie vypadkova vybrali dla spatkańnia mienavita dzień hadaviny. Alaksandr Łukašenka dahetul nie pryznaŭ niezaležnaści Abchazii i Paŭdniovaj Asiecii.

Infarmujučy pra sustreču,

blizkaje da rasiejskich śpiecsłužbaŭ ahienctva Regnum.ru piša: «U 2005-2006 hadach Alaksandr Kazulin užo ładziŭ kansultacyi ŭ Maskvie, adnak u toj čas abraŭ ułasnuju, radykalnuju palityčnuju liniju, jakaja pryviała jaho da adkrytaha kanfliktu z Łukašenkam i straty kantaktaŭ z rasijskimi palityčnymi kołami.

Siońniašniaja sustreča śviedčyć, što hetyja kantakty ŭznoŭlenyja na novaj jakasnaj asnovie».

Mikoła Buhaj

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH