U Litvie pačynajecca sud za kantrabandu cyharet ź Biełarusi
U Vilni pa spravie ab kantrabandzie cyharet ź Biełarusi buduć sudzić dvuch byłych mytnikaŭ i dvuch hramadzian Biełarusi. Sprava pačałasia jašče ŭ kancy 2019 hoda, z taho času ciahnułasia śledstva. Sud projdzie ŭ Vilni, paviedamlaje lrmuitine.lt.
Fota: deyangeorgiev2 / depositphotos.com
Śćviardžajecca, što litoŭcy i biełarusy dziejničali ŭ składzie «arhanizavanaj hrupy pa zahadzia raspracavanym płanie».
Pavodle śledstva, mytniki prapuskali praź miažu hruzaviki, u jakich byli kantrabandnyja cyharety. Jany ŭvozilisia ŭ Litvu praz punkt propusku «Bieniakoni» — «Šalčyninkaj». Litoŭskija mytniki tolki imitavali pravierku hruzu.
U vyniku praź miažu pierajechali čatyry hruzaviki z ahulnaj kolkaściu bolš čym 3 miljony pačkaŭ cyharet. Straty ŭ vyhladzie niaspłačanych padatkaŭ aceńvajucca ŭ 9,7 młn jeŭra.