U Rasii nastaŭnica zadała čaćviortakłaśnikam na dom pračytać eratyčnuju kazku Puškina
U horadzie Rež Śviardłoŭskaj vobłaści nastaŭnica zadała na dom čaćviortakłaśnikam pračytać eratyčnuju kazku Alaksandra Puškina «Car Mikita i 40 jaho dačok». U vyniku skandału žančyna napisała zajavu na zvalnieńnie.
Pra incydent u rasijskaj škole stała viadoma 27 studzienia, piša lenta.ru.
U elektronnym dziońniku 70-hadovy piedahoh napisała, što dzieciam nieabchodna pračytać kazku «Car Mikita i 40 jaho dačok». Razhareŭsia skandał, baćki dziaciej aburylisia.
Dyrektar škoły Śviatłana Šyškanava patłumačyła, što adbyłasia pamyłka.
U vyniku piedahoh napisała zajavu ab zvalnieńni. «Jana sapraŭdy choča zvolnicca, ale sprava ŭ tym, što pracavać u škole niama kamu, tamu my spadziajemsia, što nastaŭnik usio ž taki zastaniecca», — zajaviła načalnik haradskoha ŭpraŭleńnia adukacyi Iryna Klujeva.
Pavodle jaje słoŭ, piedahohu dali niekalki dzion adpačynku, kab pryjści ŭ siabie. Vykładčyca viała ŭroki ŭ čaćviortakłaśnikaŭ, pakul ich asnoŭny piedahoh byŭ u dekrecie.
«Uličvajučy ŭzrost, uličvajučy takuju nahruzku, jana zamiest inšaj kazki ŭniesła voś hetaha «Cara Mikitu». Tam u prahramie dajecca pieralik tvoraŭ. Nastaŭniku treba prosta skapijavać i ŭstavić. Tut jana dapuściła promach», — zajavili ŭ haradskim upraŭleńni adukacyi.
