U Kazachstanie ŭčyniŭ samahubstva top-mieniedžar kampanii dački Nazarbajeva
Kiraŭnik kazachstanskaj kampanii «Apieratar ROP» Rusłan Šamšyjeŭ skončyŭ žyćcio samahubstvam. Palicyja raspačała kryminalnuju spravu pavodle artykuła ab daviadzieńni da samahubstva.
Rusłan Šamšyjeŭ. Fota z fejsbuka
Kampaniju «Apieratar ROP» kazachstanskija ŚMI (u pryvatnaści, partały kz.media i eurasianet) źviazvali z dačkoj Nazarbajeva Alijaj. Siońnia ranicaj u Kazachstanie zatrymali kiraŭnika kampanii Miedeta Kumarhalijeva, a taksama vice-ministra ekałohii Achmietžana Prymkułava. Abodvuch padazrajuć u karupcyi, paviedamlaje RBK.
Da studzieńskich padziej u Kazachstanie «Apieratar ROP» zajmaŭsia ŭtylizacyjnym zboram.
Adnak 11 studzienia prezident Kasym-Žamart Takajeŭ raskrytykavaŭ pracu kampanii i prapanavaŭ pieradać jaje funkcyi dziaržstrukturam.
19 studzienia adpaviedny dakumient pryniaŭ urad krainy. Aktyvy, stvoranyja za košt srodkaŭ utylizacyjnaha zboru, byli pieradadzienyja va ŭłasnaść dziaržavy.
Paśla pratestaŭ u Kazachstanie dočki Nazarbajeva pierastali źjaŭlacca na publicy, jaho ziaci byli adpraŭlenyja ŭ adstaŭku ŭ roznych kampanijach, a sam pieršy prezident krainy źjaviŭsia na publicy tolkm 18 studzienia, zapisaŭšy videazvarot, što jon nie zajmajecca palityčnymi spravami, a całkam padtrymlivaje prezidenta Takajeva.
Čytajcie taksama:
Treci ziać Nazarbajeva i jaho plamieńnik syšli ŭ adstaŭku z-za pratestaŭ
Dvuch ziacioŭ Nazarbajeva zvolnili z kiroŭnych pasadaŭ u bujnych kampanijach
Dejełbasizacyja. U Kazachstanie źnikajuć tablički ź imieniem Nazarbajeva, a dziasiatki tysiač ludziej padpisvajuć pietycyju za viartańnie Astany
