Na Jeŭrabačańnie-2022 ad Ukrainy moža pajechać biełaruski śpiavak
Vykanaŭca z Bresta Majkł Soŭł trapiŭ u top-10 finalistaŭ nacyjanalnaha adboru našaj paŭdniovaj susiedki. Jon budzie vystupać tam ź pieśniaj «Demons».
Vykanaŭca sam paviedamiŭ pra heta ŭ Fejsbuku pa-ŭkrainsku i pa-anhlijsku:
«Siabry, užo 12 lutaha na scenie nacadboru vy zmožacie pabačyć i pačuć moj vystup, a taksama padtrymać svaimi hałasami. Važny kožny! Nie prapuścicie hetaje niejmaviernaje šoŭ, i, naturalna, nie zabyvajciesia zahružać Demons na ŭsich ličbavych placoŭkach».
Majkł Souł — finalist biełaruskaha adboru na «Jeŭrabačańnie» ŭ 2016 i 2019 hadach. Taksama jon byŭ bek-vakalistam hurta NaviBand na «Jeŭrabačańni-2017» u Kijevie.
Chto ŭ vyniku pradstavić Ukrainu na mižnarodnym konkursie, stanie viadoma 12 lutaha.
U hetym prestyžnym piesiennym konkursie ŭ 2022 hodzie voźmuć udzieł vykanaŭcy z 41 krainy śvietu. Biełarusi siarod ich nie budzie.
Nahadajem, letaś Biełaruś nie trapiła na Jeŭrabačańnie. BT vyrašyła nakiravać na konkurs hurt «Hałasy ZMiesta» ź pieśniaj «Ja nauču tiebia». U pieśni byŭ palityčny źmiest, što supiarečyć praviłam konkursu. BT vyklučyli ź Jeŭrapiejskaha viaščalnaha sajuza.
Čytajcie taksama:
«Ja ledź nie pamior, ale nazaŭsiody zapomniŭ, što takoje «bez». Śpiavak Majkł Souł raskazaŭ, jak vučyŭ biełaruskuju movu na trenažorach
