Džonsan zajaviŭ pra namier pierahavaryć z Pucinym
Premjer-ministr Vialikabrytanii Borys Džonsan zajaviŭ, što maje namier pravieści pieramovy z prezidentam Rasii Uładzimiram Pucinym.
Fota: AP
Pa słovach palityka, Brytanija hatovaja ŭličyć lubyja apraŭdanyja zaniepakojenaści rasijskaha boku z dapamohaj dypłamatyi.
«Meta Rasii — nie dazvalać NATA nabližacca da svaich miežaŭ. Kali heta tak, to ciažka ŭjavić sabie štości bolš kontrpraduktyŭnaje, čym ŭvarvańnie va Ukrainu. Maje šanoŭnyja siabry — ministr zamiežnych spraŭ i ministr abarony Vialikabrytanii — užo danieśli adpaviednuju dumku da prezidenta Pucina i ja, viadoma, hatovy znoŭ ź im parazmaŭlać», — skazaŭ jon.
Kiraŭnik urada čarhovy raz papiaredziŭ, što «biez vahańniaŭ uviadzie bolš žorstkija sankcyi suprać Rasii», kali ŭvarvańnie va Ukrainu adbudziecca.
Čytajcie taksama: Bajden, Džonsan i lidary krain ES abmierkavali biesprecedentny pakiet sankcyj suprać Rasii
