Pamior Ihar Daniłaŭ, zasnavalnik haziety «Hastranom»
25 studzienia stała viadoma, što pamior miedyjamieniedžar Ihar Daniłaŭ, jamu było 57 hadoŭ. Stvorany im u 1990-ja «Hastranom» byŭ adnym z niamnohich paśpiachovych miedyjabiznesaŭ u Biełarusi.
Taksama Ihar Daniłaŭ kiravaŭ konkursam «Pradukt hoda», u apošni čas raźvivaŭ ekałahična-hastranamičny prajekt Slow Food, paviedamlaje «Salidarnaść».
«Ź Iharam Daniłavym my paznajomilisia daŭno. Tady jon byŭ redaktaram haziety «Hastranom», i ja navat pisała dla jaho niejkija materyjały pra kuchni roznych krain, dzie mnie daviałosia pabyvać, — piša žurnalistka Nadzieja Susłava. — Potym pierasiakalisia šmat razoŭ — i na fiestyvali «Motalskija prysmaki», i padčas kulinarnych ekśpiedycyj, i na roznych pasiadžeńniach… Razmaŭlali, spračalisia, abmiarkoŭvali… I raptam — jak abuchom pa hałavie: pajšoŭ, pamior, bolš niama. Ihar byŭ hurmanam i epikurejcam. Spadziajusia, na tym śviecie, kali jon isnuje, jaho pačastujuć ambrozijaj i niektaram…»
