«Bałans vašaha rachunku minus 12200 rubloŭ», — čarhovaja historyja straty hrošaj
Zdareńnie adbyłosia 21 studzienia, kali ranicaj 58-hadovaj žycharcy Mahilova ŭ Vajbiery patelefanavali.
«Supracoŭnica banka» paviedamiła žančynie, što na jaje imia afarmlajecca kredyt. Praź niekalki chvilin patelefanavaŭ tak zvany supracoŭnik słužby biaśpieki, a zatym i «načalnik kryminalnaha vyšuku». Usie jany «sprabavali dapamahčy» klijentcy banka nie stracić hrošy, paviedamlaje SK.
U hety ž dzień žančyna aformiła kredyt na 10000 rubloŭ, jaki byŭ pieraviedzieny na inšy rachunak z dapamohaj raniej ustanoŭlenaj joju «achoŭnaj prahramy».
Akramia taho, ź jašče adnoj bankaŭskaj karty paciarpiełaj adbyłosia śpisańnie 2200 rubloŭ. Mahilaŭčanka źviarnułasia ŭ milicyju.
Zaviedzienaja kryminalnaja sprava pa č. 3 art. 212 (kradziež majomaści šlacham madyfikacyi kampjutarnaj infarmacyi, ździejśnieny ŭ bujnym pamiery).