Žonka Makieja atrymaje vysokuju pasadu?
Jana moža stać kiraŭnicaj Teatra junaha hledača.
Fota z sacyjalnych sietak Viery Palakovaj.
Pasadu dyrektara Teatra junaha hledača zamiest zvolnienaha pa palityčnych matyvach Uładzimira Savickaha moža zaniać Viera Palakova, paviedamlaje telehram-kanał Biełaruskaj rady kultury.
Viera Palakova — žonka ministra zamiežnych spraŭ Biełarusi Uładzimira Makieja, jaki ŭ minułym byŭ daradcam Alaksandra Łukašenki i kiraŭnikom jaho Administracyi.
Uładzimir Savicki — adzin z tysiač zvolnienych za palityčnyja pohlady abo admovu zvalniać padnačalenych za palityčnyja pohlady. U teatralnaj śfiery zvalnieńni adbylisia ŭ Teatry biełaruskaj dramaturhii ŭ Minsku, Nacyjanalnym akademičnym teatry imia Janki Kupały, Nacyjanalnym akademičnym teatry imia Jakuba Kołasa ŭ Viciebsku, Vialikim teatry Opiery i baleta, teatrach u Mahilovie, Hrodnie, Breście. Palakova ni razu nie vystupiła ŭ abaronu represavanych kaleh. U toj ža čas paviedamlałasia, što syn Makieja ad pieršaha šlubu paśla padziej 2020-ha zvolniŭsia ź Ministerstva zamiežnych spraŭ.