Irłandyja admianiaje ŭsie kavidnyja abmiežavańni, akramia adnaho
Premjer-ministr Irłandyi Majkł Marcin skazaŭ, što bustarnaja vakcynacyja «całkam źmianiła situacyju».
Fota freepik.com.
Baram i restaranam bolš nie treba budzie zakryvacca a 20-j viečara. Krytyja i adkrytyja placoŭki mohuć pracavać u narmalnym režymie. Admianiajecca pravierka siertyfikataŭ vakcynacyi.
U toj ža čas ludzi pa-raniejšamu abaviazanyja nasić maski ŭ hramadskim transparcie i ŭ kramach. Taki paradak zachavajecca da kanca lutaha.
Irłandyja — adna z najbahaciejšych krain Jeŭropy. Jana taksama siarod lidaraŭ na kantyniencie pa tempach revakcynacyi. Dziakujučy hetamu, padčas chvali «amikrona» kolkaść ciažkachvorych utrymałasia na ŭzroŭni nižejšym za piki papiarednich chval.
Premjer-ministr Irłandyi Majkł Marcin skazaŭ, što «my pieražyli štorm «amikron» i što bustarnaja vakcynacyja «całkam źmianiła situacyju».
Raniej kavidnyja abmiežavańni admianiła taksama Vialikabrytanija, inšaja kraina z vysokim uzroŭniem vakcynacyi. Praŭda, brytanski padychod trochi roźnicca ad irłandskaha.
Heta pieršyja sihnały viartańnia śvietu ŭ dakavidny stan. Jak čakajecca, inšyja krainy taksama pačnuć admianiać karanavirusnyja abmiežavańni na svabodnaje pierasoŭvańnie i kamunikacyju.
