Komik ź Biełarusi pradaŭ dazvoł na žycharstva ŭ Rasii za 15000 dołaraŭ
Padčas kancerta na indaniezijskim vostravie Bali komik Idrak Mirzalizade, niadaŭna zabaronieny ŭ Rasii, zładziŭ humarystyčny aŭkcyjon, abviaściŭšy hałoŭnym i adzinym łotam svoj rasijski dazvoł na žycharstva, paviedamlaje telehram-kanał Mash.
Śpiarša Idrak vystaŭlaŭ na prodaž tolki NFT-viersiju dakumienta, ale ŭrešcie za canu ŭ 5 maniet Ethereum (15 tysiač dołaraŭ) pahadziŭsia addać i fizičny nośbit.
U žniŭni minułaha hoda znachodžańnie Mirzalizade ŭ Rasii pryznali niepažadanym i pažyćciova zabaranili jamu tudy ŭjezd. Na dumku palicyi, u svaim publičnym vystupie Mirzalizade dapuściŭ vyrazy, jakija raspalvajuć varožaść i nianaviść u dačynieńni da asob ruskaj nacyjanalnaści.
Sam Idrak Mirzalizade naradziŭsia ŭ Azierbajdžanie (pavodle nacyjanalnaści jon tałyš), ale vyras u Biełarusi, skončyŭ univiersitet. Pašpart u jaho biełaruski. Paśla vučoby jon pierajechaŭ u Maskvu, dzie zrabiŭ karjeru ŭ kamiedyjnych šou i stendapie.
«Vybačajemsia, što začapili pačućci ruskich». Jak u Rasii ckujuć tych, chto nie ŭpisvajecca ŭ «tradycyjnyja kaštoŭnaści»
Sud pakinuŭ u sile rašeńnie «ab niepažadanaści» komika Mirzalizade ŭ Rasii
Znachodžańnie ŭ Rasii biełaruskaha stendap-komika Idraka Mirzalizade pryznana pažyćciova niepažadanym
