Dyrektar kampanii Aivitam Dźmitryj Dosaŭ źjechaŭ na Kipr
Fota z novaha miesca žycharstva jon apublikavaŭ u Instagram. I skazaŭ, što źbiraŭsia vyjechać jašče da svajho zatrymańnia.
Jak Dosaŭ raspavioŭ dev.by, jon płanavaŭ adjezd daŭno i navat kupiŭ kvitok, ale 10 śniežnia, za piać dzion da mierkavanaha adjezdu, da jaho pryjšli siłaviki.
Choć pry pieratrusie ničoha nie znajšli, Dźmitryja advieźli ŭ budynak HUBAZiK i tam u asabistaj pierapiscy znajšli repost artykuła ab biznesie z sajta, pryznanaha ekstremisckim. Za heta i sudzili.
Dosaŭ atrymaŭ 15 sutak administracyjnaha aryštu pa artykule ab raspaŭsiudžvańni ekstremisckich materyjałaŭ, byŭ vyzvaleny 25 śniežnia. Kanfiskavanuju pry zatrymańni techniku jamu pakul tak i nie viarnuli.
Ciapier, pa słovach Dosava, jon pracuje addalena va ŭkrainskaj kampanii Zone3000, adkryvaje centry raspracoŭki dla zamiežnych kampanij va Ukrainie. Akramia taho, zastajecca dyrektaram Aivitam.