Dyrektaru pryvatnaj drukarni i administrataru kanała «Atolina» dali pa 4 hady kałonii
Siońnia ŭ Minharsudzie vynieśli prysudy dvum palitźniavolenym: dyrektaru pryvatnaj drukarni Arciomu Fiedasienku i administrataru Telegram-kanała «Atolina» Paŭłu Juchnieviču. Sud byŭ zakryty i praciahvaŭsia tydzień.
Fiedasienku i Juchnieviča abvinavačvali ŭ vyrabie i raspaŭsiudzie «pratesnych ulotak, stykieraŭ, haziet», a taksama va ŭdziele ŭ niadzielnych maršach u žniŭni—vieraśni 2020 hoda.
Dziejańni kvalifikavalisia pavodle dvuch artykułaŭ Kryminalnaha kodeksa: 342 (udzieł u dziejańniach, jakija hruba parušajuć hramadski paradak) i č. 3 art. 361 (raspaŭsiud materyjałaŭ, što źmiaščajuć zakliki da ździajśnieńnia dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś).
Sudździa Valancina Ziańkievič pryznała Fiedasienku i Juchnieviča vinavatymi i asudziła abodvuch na čatyry hady kałonii va ŭmovach ahulnaha režymu.
