Mocny viecier pieraškadžaje pracy čyhunki
Z roznych miescaŭ prychodziać paviedamleńni pra pieraškody, jakija mocny viecier prynosić čyhunačnaj infrastruktury.
U Oršy na stancyi «Orša-Centralnaja» ŭpali apory ciepłatrasy i elektrakabiela. Paciarpiełych niama. Ale praz heta ciahniki zatrymlivajucca. Na miescy pracujuć adnaŭlenčyja słužby BČ, MNS kantraluje situacyju.
Prablemy z rucham ciahnikoŭ i na baranavickim napramku. Elektryčka Instytut kultury — Baranavičy, jakaja adpraviłasia ŭ 17.05, spyniłasia na stancyi Pamyślišča.
Biełaruskaja čyhunka aficyjna papiaredziła ab adchileńni ciahnikoŭ ad hrafika z-za niepahadzi.
Niekatoryja pasažyrskija ciahniki spaźniajucca na 20 chvilin, inšyja — da bolš čym hadziny.
Bolš padrabiaznuju infarmacyju pra čas adpraŭleńnia i prybyćcia ciahnikoŭ možna atrymać pa telefonie kantakt-centra BČ 105.