Udava Jahora Letava apublikavała raniej nieviadomuju jahonuju pieśniu
Udava lidara rok-hurta «Hramadzianskaja abarona» Jahora Letava Natalla Čumakova apublikavała na juciubie raniej nieviadomuju pieśniu śpievaka. Jana była zapisanaja dla alboma jahonaj pieršaj hrupy «Pasieŭ», piša «Mieduza».
Natalla Čumakova raskazała ŭ svaich sacsietkach, što źbirajecca ŭ 2022 hodzie vypuścić usie aŭdyjozapisy Jahora Letava, jakija ŭ jaje jość. Ciapier ža jana apublikavała tolki «kavałačak» alboma «Doždž u kazarmie», zapisanaha ŭ 1984 hodzie.
«Jak i mnohaje z «pasievaŭ», heta niejkaja kampilacyja z roznych vieršaŭ prykładna adnaho času, u dadzienym vypadku — pieradnavahodnich, 1983 hoda», - skazała Čumakova.
Taksama jana apublikavała fatahrafiju sšytka Letava sa słovami adnaho z takich vieršaŭ — «Strange Days», napisanaha 15 śniežnia 1983 hoda.