U Hrecyi homaseksuałam i biseksuałam dazvolili być donarami kryvi
Ministerstva achovy zdaroŭja Hrecyi svaim zahadam zaćvierdziła novuju formu, jakuju pavinny zapoŭnić patencyjnyja donary kryvi. Dakumient vyklučaje adnapołyja seksualnyja adnosiny sa śpisu kryteraŭ, jakija pazbaŭlajuć čałavieka prava zdavać kroŭ, piša vydańnie Kathimerini.
Raniejšaja hrečaskaja forma dla patencyjnych donaraŭ kryvi ŭklučała pałažeńnie ab tym, što mužčyna nie moža być donaram, kali jon z 1977 hoda choć by raz ustupaŭ u pałavuju suviaź ź inšym mužčynam.
Hrecyja zastavałasia adnoj ź niamnohich krain, jakija zachavali takuju zabaronu, ciapier jaje zbolšaha admianiajuć. U mai 2022 hoda takuju zabaronu płanujuć prybrać u Litvie.
Mužčynam-homaseksuałam pa-raniejšamu zabaroniena zdavać kroŭ u takich krainach, jak Kitaj, Małajzija, Filipiny, Turcyja, Charvatyja, Słavienija. U ZŠA ad zabarony admovilisia ŭ 2015 hodzie, ale dazvolili zdavać kroŭ tolki praz try miesiacy paśla apošniaha homaseksualnaha kantaktu.
Padobnyja časavyja abmiežavańni — ad niekalkich miesiacaŭ da niekalkich hadoŭ — dziejničajuć dla donaraŭ kryvi jašče ŭ prykładna 20 krainach. Źviazana heta z tym, što mnohija krainy stali bolš aktyŭna kantralavać zdaču donarskaj kryvi paśla pačatku epidemii VIČ / ŚNID u 1980-ch hadach. Homaseksuały razam z narkamanami tady byli adnoj z hałoŭnych hrupaŭ ryzyki.
