Hienprakuratura znajšła ŭ Biełcharčpramie «karupcyjnyja prajavy»
Siarod prablemnych pytańniaŭ u kancernie nazvali praviadzieńnie zakupak pa cenach, vyšejšych za siarednich pa rynku, niedastatkova aktyŭnaje spahnańnie praterminavanaj debitorskaj zapazyčanaści i padpracoŭku niekatorych rabotnikaŭ na svaim ža pradpryjemstvie.
Bolšaść parušeńniaŭ kancerna tyčycca zakupak. «U asobnych vypadkach arhanizatary zakupak kiravalisia nie ekanamičnaj efiektyŭnaściu, a žadańniem zaklučyć damovu z kankretnym subjektam haspadarańnia, pryčym pa cenach, jakija pieravyšali siarednija pa rynku», — śćviardžajuć u Hienprakuratury.
Taksama «karupcyjnyja prajavy mieli miesca i pry realizacyi pradpryjemstvami kancerna pradukcyi ŭłasnaj vytvorčaści — nie zaŭsiody prymalisia naležnyja i svoječasovyja miery pa spahnańni praterminavanaj debitorskaj zapazyčanaści».
Kadraviki kancerna dazvalali «niekatorym słužbovym asobam pradpryjemstvaŭ kancerna zajmacca inšaj apłatnaj dziejnaściu», niahledziačy na antykarupcyjnyja abmiežavańni.
U vyniku da dyscyplinarnaj adkaznaści pryciahnuli 39 čałaviek, a materyjalnyja straty, jakija atrymaŭ kancern, užo kampiensavanyja. Tym nie mienš, Hienprakuratura adpraviła svaje pretenzii da kancerna i va ŭrad.
