U Łatvii zatrymali dvuch rasijskich špijonaŭ
Letaś u Łatvii zatrymali dvuch čałaviek, jakija padazrajucca ŭ supracoŭnictvie z vajskovaj raźviedkaj Rasii. Pra heta stała viadoma ź pieradadzienych u kancy 2021 hoda ŭ prakuraturu materyjałaŭ kryminalnych spraŭ.
Pa danych Słužby dziaržaŭnaj biaśpieki Łatvii (SDB), padazravanyja sustrakalisia z pradstaŭnikami vajennaj raźviedki na terytoryi Rasii. Abodva źmieščanyja pad vartu, paviedamlaje Delfi.lv.
Pieršy z zatrymanych, pavodle viersii prakuratury, «vykarystaŭ koła kantaktaŭ, naładžanych padčas svajoj prafiesijnaj dziejnaści, dla atrymańnia, abahulnieńnia, analizu i pieradačy rasijskaj vajskovaj raźviedcy infarmacyi ab bajavych mahčymaściach, płanach i navučańni Nacyjanalnych uzbrojenych sił Łatvii, abaronnych zakupkach i pašyreńni prysutnaści sił NATO».
Pa spravie druhoha padazravanaha viadoma, što jaho vinavaciać u šmathadovym supracoŭnictvie z rasijskaj raźviedkaj.
