Zaćvierdžany śpis prajektaŭ pa razbudovie haradoŭ, jakija raspačnucca najbližejšym časam
Usiaho ŭ pieralik uklučana 26 prajektaŭ.
Urad zaćvierdziŭ pieralik horadabudaŭničych prajektaŭ, zamova na raspracoŭku jakich padlahaje raźmiaščeńniu ŭ 2022 hodzie. Heta praduhledžana pastanovaj Savieta Ministraŭ ad 6 studzienia 2022 hoda №10, paviedamlaje BIEŁTA.
U pryvatnaści, u pieralik uklučanyja takija prajekty, jak hienieralnyja płany Baranavičaŭ, Žabinki, Viciebska, Navapołacka, Homla, Mahilova, śpiecyjalnaha turyscka-rekreacyjnaha parku «Brasłaŭski», kurorta respublikanskaha značeńnia «Navajelnia», śpiecyjalnaha turyscka-rekreacyjnaha parku «Aŭhustoŭski kanał», zon adpačynku respublikanskaha značeńnia «Vilejka» i «Čyhirynka».
Taksama ŭ pieraliku schiemy kompleksnaj terytaryjalnaj arhanizacyi Biarozaŭskaha i Małaryckaha, Dokšyckaha, Vaŭkavyskaha i Ščučynskaha rajonaŭ, detalovy płan histaryčnaha centra Mazyra z prajektam rehienieracyi histaryčnaj zabudovy, detalovy płan svabodnaj ekanamičnaj zony «Minsk».