U Minsku zafiksavali samy ciopły dzień 4 studzienia za apošnija 30 hadoŭ
U stalicy 4 studzienia słupok termomietra pakazvaŭ +4°S, što na 9°S vyšej za klimatyčnuju normu. Heta samaje ciopłaje 4 studzienia za 30 hadoŭ.
Ale kali kazać pra pieršy miesiac biełaruskaj zimy, to tempieratura pavietra ŭpieršyniu za 9 hadoŭ była nižej za klimatyčnuju normu, paviedamili BIEŁTA ŭ Biełhidramiecie.
Siaredniaja pa Biełarusi tempieratura pavietra skłała -3,5°S, što nižej za klimatyčnuju normu na 0,2°S. Upieršyniu za 9 hadoŭ siaredniaja tempieratura pavietra za miesiac była nižejšaj za normu, da hetaha z 2013 hoda adznačalisia adchileńni ŭ bok plusu.
Maksimalnaja tempieratura pavietra ŭ śniežni adznačana na stancyi Vysokaje 31 śniežnia — + 9,5°S.
Nočču na praciahu miesiaca było ad minus 15 da minus 1, a ŭ samyja ciopłyja nočy na termomietry adznačalisia plusavyja značeńni. Minimalnaje značeńnie tempieratury -23,5°S było zafiksavana na stancyi Jeziaryšča 8 śniežnia.
