Nakolki nadziejnyja ekspres-testy na kavid? Voś što kažuć daśledavańni
Danyja amierykanskich i niamieckich navukoŭcaŭ śviedčać ab tym, što ekspres-testy nie zaŭsiody vyjaŭlajuć najaŭnaść «amikrona». Pra što mienavita stała viadoma z apošnich daśledavańniaŭ? Piša Deutsche Welle.
Antyhien-testy mohuć ź mienšaj dakładnaściu vyznačać najaŭnaść «amikrona» va ŭzorach chvorych, paviedamiła ŭpraŭleńnie pa sanitarnym nahladzie za jakaściu charčovych praduktaŭ i miedykamientaŭ ZŠA (FDA). Da adpaviednaj vysnovy rehulatar pryjšoŭ paśla łabaratornaha daśledavańnia, praviedzienaha sumiesna z prahramaj RADx Nacyjanalnaha instytuta achovy zdaroŭja. Pa papiarednich źviestkach, antyhien-testy vyznačajuć najaŭnaść «amikrona», ale ŭ ich moža być źnižanaja adčuvalnaść», — havorycca ŭ paviedamleńni rehulatara. Heta aznačaje, što mnohija sapraŭdy zaražanyja ludzi atrymajuć admoŭnyja vyniki i buduć ličyć siabie zdarovymi.
Padobnyja źviestki ŭtrymlivajucca i ŭ daśledavańni niamieckich navukoŭcaŭ ź Instytuta imia Paŭla Erlicha, Instytuta imia Robierta Kocha i bierlinskaj kliniki Charite. Pa ich padlikach, kala 20 pracentaŭ ekspres-testaŭ dajuć niapravilnyja vyniki. 26 testaŭ sa 122 nie adpaviadajuć minimalnym patrabavańniam pa vyznačeńni virusnaj nahruzki, pra heta śviedčać apublikavanyja vyniki praviedzienaha daśledavańnia (ale jany nie prajšli niezaležnuju ekśpiertyzu).
Nakolki vialikaja virusnaja nahruzka, vyznačaje pakazčyk «parohavaha cykłu», paznačany jak St (Sycle threshold). Kali značeńnie Ct nizkaje (da 25), heta śviedčyć ab tym, što virusnaja nahruzka vielmi vysokaja, virus SARS COV-2 pieradaje svaju hienietyčnuju infarmacyju, aktyŭna razmnažajecca i vielmi zarazny. Druhaja stadyja (25-30) aznačaje, što čałaviek chvory COVID-19, jość ryzyka zaražeńnia navakolnych. Treciaja — 30-36 Ct — śviedčyć ab tym, što čałaviek chvory na kavid, ryzyka zaražeńnia navakolnych zachoŭvajecca, ale jana, vierahodna, nizkaja.
Bolš nadziejnym źjaŭlajecca malekularnaje testavańnie, u tym liku PŁR, jakoje vyjaŭlaje hienietyčny materyjał virusa. Małaadčuvalny test nie zasiače nizkuju virusnuju nahruzku, jakuju možna budzie vyjavić tolki z dapamohaj PŁR-daśledavańni.
