JESPČ zabaraniŭ Rasii vydavać Biełarusi Dźmitryja Padłobnikava
Jeŭrapiejski sud pa pravach čałavieka da 31 studzienia zabaraniŭ Rasii vydavać na radzimu biełarusa Dźmitryja Padłobnikava, jaki padazrajecca ŭ Biełarusi ŭ hrubym parušeńni paradku (č.1 art. 342 KK) i hvałcie albo pahrozie hvałtam u dačynieńni da milicyjaniera (artykuł 364 KK).
Dźmitryj Padłobnikaŭ
Pra heta paviedamiŭ kiraŭnik pravavych prahram Maskoŭskaj Chielsinkskaj hrupy Raman Kisialoŭ u svaim telehram-kanale.
Sam Padłobnikaŭ, pavodle Kisialova, pa-raniejšamu znachodzicca ŭ Rasii.
«Pa-pieršaje, my znajšli Dzimu Padłobnikava, jon usio jašče ŭ Rasii, u SIZA-4. A pa-druhoje, my atrymali 39 praviła Jeŭrapiejskaha suda ab časovych mierach — sud zabaraniŭ vydaču da 31 studzienia!. Sprabujem da ŭsich dahrukacca, kab ułady byli ŭ kursie, i jaho nie vyvieźli da hetaj daty» — - napisaŭ pravaabaronca.
U žniŭni 2020 hoda Padłobnikaŭ vychodziŭ na akcyi pratestu ŭ Žłobinie. 9 žniŭnia jaho zatrymali i adpuścili praz 3 dni. Paźniej jon źjechaŭ na zarobki ŭ Rasiju. U lipieni Padłobnikava zatrymali ŭ Rasii.
28 śniežnia advakat Maryja Krasava raspaviała, što Padłobnikava vyvieźli z Kałomienskaha SIZA №6 i vykazała zdahadku, što jaho mohuć ekstradavać u Biełaruś.
Rasija ekstradziruje jašče adnaho ŭdzielnika pratestaŭ u Biełarusi
