Pieramovy Bajdena i Pucina projduć u videafarmacie
Maskva i Vašynhton jašče nie sinchranizavali dakładnuju datu pieramovaŭ, ale jany mohuć prajści «ŭ luby momant», pryčym u videafarmacie, raskazaŭ siońnia Dźmitryj Piaskoŭ.
«Dakładnaja data pa-raniejšamu nie ŭzhodnienaja. Viadziecca praca. Farmat — havorka idzie ab videakanfierencyi», — skazaŭ Piaskoŭ na bryfinhu, adkazvajučy na adpaviednaje pytańnie žurnalistaŭ.
Taksama ŭ jaho udakładnili pra farmat budučych pieramovaŭ: buduć jany prachodzić adzin na adzin, ci z udziełam delehacyj.
«Pakul niama dakładnaha razumieńnia. Hetyja ŭsie niuansy jašče treba budzie paćvierdzić», — adkazaŭ Piaskoŭ.
Piaskovu zadali pytańnie, ci mohuć pieramovy adbycca 7 śniežnia. «I hetaja data taksama fihuruje. Ale fihurujuć i inšyja taksama», — skazaŭ Piaskoŭ.
Pavodle jaho słoŭ, pieramovy mohuć adbycca i na nastupnym tydni, i praz tydzień.
