Haradziencu dali paŭtara hoda kałonii za toje, što sihnaliŭ pratestoŭcam
U sudzie Kastryčnickaha rajona Hrodna abviaścili prysud pa kryminalnaj spravie, źviazanaj z padziejami 10 žniŭnia 2020 hoda. Dźmitryja Horbača sudzili za arhanizacyju i padrychtoŭku dziejańniaŭ, jakija hruba parušajuć hramadski paradak (č. 1 art. 342 Kryminalnaha kodeksa), paviedamlajuć pravaabaroncy.
Spravu razhladaŭ sudździa Vital Łabocki.
Padstavaj dla kryminalnaj spravy stali padziei 10 žniŭnia 2020 hoda. U toj dzień Dźmitryj Horbač jeździŭ kala abłasnoj fiłarmonii i sihnaliŭ.
Na druhi dzień, 11 žniŭnia, jaho zatrymali, ale nieŭzabavie adpuścili. A niekalki miesiacaŭ tamu zatrymali znoŭ i ŭziali da suda pad vartu.
Dźmitryj Horbač maje invalidnaść treciaj hrupy.
Dziaržabvinavaŭca zaprasiŭ u suda dla abvinavačanaha 1,5 hoda kałonii. Sudździa stolki i prysudziŭ.
