Pabity rekord Netflix: ciapier samym papularnym filmam za ŭsiu historyju płatformy stała stužka «Čyrvonaje paviedamleńnie»
«Čyrvonaje paviedamleńnie», kamiedyjny bajevik pra interpał, nabraŭ rekordnyja 328,8 miljona prahladaŭ usiaho tolki za pieršyja dva tydni. Premjera filma adbyłasia 12 listapada, z hetaha času jon patrapiŭ u top-10 u 94 krainach i ŭžo bolš pałovy ŭsich padpisčykaŭ Netflix paśpieli jaho pahladzieć. Pra sakrety takoha pośpiechu razvažaje VVS.
Kadr ź filma «Čyrvonaje paviedamleńnie»
Frazu «čyrvonaje paviedamleńnie» vykarystoŭvaje interpał, kali abviaščaje ŭ mižnarodny vyšuk asabliva niebiaśpiečnych złačyncaŭ. U filmie ŭsio heta jość — mižnarodny vyšuk, asabliva razumny i sprytny złačynca, navat dva, a jašče źnikłyja kaštoŭnaści, jakim dźvie tysiačy hod.
Kaliści staražytnarymski hienierał Mark Antonij zakachaŭsia ŭ Kleapatru i padaryŭ joj na znak viernaści try jajki z zołata, azdoblenyja kaštoŭnymi kamianiami. Jajki paźniej źnikli, ale praz šmat stahodździaŭ dva ź ich usio ž adkapaŭ zvyčajny fiermier, a voś treciaje tak i nie znajšłosia.
Pierakazać siužet filma amal niemahčyma — heta sucelnaja pahonia adrazu za tryma jajkami. Pry hetym ahient FBR (jaho hraje Duejn Džonsan) vymušany abjadnać vysiłki z adnym z samych viadomych złačyncaŭ z tych, chto śpiecyjalizujecca na abjektach mastactva (jaho hraje Rajan Rejnałds). Ich vorah — taksama viadomaja złačynca, jakaja vykradaje abjekty mastactva (Hal Hadot). U niejki momant hieroi Džonsana i Rejnałdsa akazvajucca razam u rasijskaj turmie. Zrešty, za dźvie hadziny filma hieroi pierasoŭvajucca pa ŭsioj płaniecie i paśpiavajuć naviedać Italiju, Bali, Rasiju, Amieryku, Jehipiet, Hišpaniju…
Trejler filma «Čyrvonaje paviedamleńnie»
Režysior filma Roŭsan Maršał Terbier viadomy svaim niaźmiennym pačućciom humaru, ź jakim hladač užo moh paznajomicca ŭ nievierahodna śmiešnym filmie «My — Milery». U kamiedyjnym bajeviku «Čyrvonaje paviedamleńnie» kamiedyi bolš, čym bajevika. Da taho ž, nohi ŭ hieraini Hal Hadot nastolki pryhožyja, što krytyk BBC nazyvaje sceny bojek miž tryma hałoŭnymi hierojami bajavymi orhijami.
Kadr ź filma «Čyrvonaje paviedamleńnie»
Kožny z akcioraŭ u hetym filmie — u svajoj stychii i ŭ svaim lubimym vobrazie. Ekšn raźvivajecca z chutkaściu śviatła. Heta ŭsio razam, vidać, i tłumačyć hałavakružny pośpiech filma siarod hledačoŭ.
Kadr ź filma «Čyrvonaje paviedamleńnie»
Film tydnia: «Dom Gucci». Novaja ambitnaja stužka Rydli Skota z hanhstarami, mafijozi i zabojstvami
Pa krainie admianili pakazy filma z udziełam akcioraŭ Kupałaŭskaha teatra «Avantury Pranciša Vyrviča»
Čamu ŭ halivudskim kino ŭsio mienš seksu?
